Tinmaya kami
bainti’d ambalanga,
bainti’d amputi,
bainti’d duyaw.
Insan binantayan mi ‘ray
ugugaw, lalaki, bibii
ya angaplag na san lasus,
san libo, liman lasus.
Kabebekta, pinekpek na manuwab
ya akulaw so lamisaan
ya ameyes ed kauloan min bansag
ya ninmenengneng ed pegley.
Kakirem mi, inakmoy baleg ya embudo
so taloran berdin bolan
imbubuntok da insan to ra
intatae’d dikolor iran kuwadrada.
Anak na lasi!
Apamunat mi’y sesentan
nagmaliw ya
sanlasus bainti!
Usto la ‘ya.
Batik kami lan angaliw
na hatkik tan mais ya samitan
ya kinakan mi’d arapan
na ibubontatok dan bapor.
Impatalos ed Filipino: Sa Perya