Inmalagey so baka
Singa kakaalagey na duwaran saklor ton
Akatakeray singer
Ya manguguyor ed sikato
Diya
Ed sayan tiyempo
Ed sayan pasen
Kukuninengen kon maong
So sayan baleg ya ayep
Mankelkelaw ak
Ed agto igagalaw
Singa
Samay statuwan kilaw
Ya gawad tinetemek ya balbalitok
Na saramay Israelitan
Ag-akaalagar ed inyepas nen Moises
Manlapud Sinai
Balet sayan olimaw
Et aliwan idolon babagatan
Tan pandayewan
Sikato
So mandadayew
Ed dagem
Ed amagan dayami
Ed betel na labi
Ya kalkalnan mamapaabig
Ed asinit-sinit ton baog.
Misalsalamat
Ed sakey lalamet ya agew
Ya inkiarawi tod
Talem na barang
Akaalagey
Balet akatalimokor iray mata to
Mikekerew na panamapalar,
Manpipikasi,
Man-ingas
Ed sayan tiyempo
Ed sayan pasen
Impatalos ed Filipino: Guya