Say kuwanda
say anlong ed narengel
tan makasulat ka labat
nu makadngel ka.
Sakey ya kabuwasan
abangonan kon
walay mankukurong-kurong
ya andeket ya linya
ed datal.
Anengneng met nen inak
tan amak.
”Atan may uleg ya telek,“
so kuwan da.
Melmelag ka,
singa ka bulaten
maimimpis,
natatakot,
nababalang.
Angala ak na melag ya papel
piyan pakurongen kad satan.
”Patey mo la ta
ompan ombalbaleg!“
ganggan nen amak.
Agak inmesel.
Kinurong mo so papel
tan inawit takad paway
piyan ibulos ed pitek.
Kuyapos kad dalin
Balet nilingaw mo ak
Singa ka no nampasalamat
Insan ka la abalang.
Aliwa kan bulag
tan lalon aliwan ag makalalikna.
Nu bilang ta pinatey taka
Siopa ed sikata so telek ya talaga?
Inmalagey ak
manlapud impakatalimukor
tan ed satan
binalkot ak na aralem ya deen.
Impatalos ed Filipino: Ahas na Bingi