Kuan na saray taga Carusocan, no marëndëën tan mambukbukor kan manakar ëd irigasyon no labi, makadngël ka kunoy nangis na ugaw. Tan kalasakas na ikamën a makapapunaw.
Inaaaaang!
Inaaaaang!
Kula’n yo la?
Paway kila’d ta’d kamaisan!
Inaaaaang!
Abaybayag ta ki lan aanapën.
Abaybayag ta ki lan aalagarën.
Walay sugat kon araldalëm.
Ansakisakit. Agmanunda!
Manotot. Manararutoy so dala!
Sinigbat to ak may Hapon.
Ag ko apaliisan.
Akikasi ak. Balët ag ko apaliisan.
Inang, ononur ak la’d sikayo.
Ag ak la ompaway ëd abung.
Mampanëngnëng ki labat, Inang!
Ala yo ak la. Panangasi yo.
Ambëtëbëtël dia.
Natatakot ak a maong, Inang.
Natatakot ak a maong.
Salin: panaghoy ng pasatsat