Libingan ng libu-libong puno
Libu-libong ibon
Libu-libong anak ng lupa,
Iiwan muna kita
Sa kanlungan
Ng dilim
Habang
Natutulog ka
Sa papag ng sakim
Hinihele ng ingay
Usok
Pulang mga ilaw
Hinahaplos ng gutom
Karahasan
Nakahahawang karamdaman.
Iiwan muna kita
At sa pagbabalik ko
Hihiga ako sa tabi mo
Sa hukay na inihanda mo para sa’kin
Sa hukay na inihanda mo para
Sa libu-libong puno,
Ibon,
Anak ng lupa.