Kada labi antis ya man alas siyete mandaragup iray ugugaw, ankekelag tan angkakabaleg, ed gilig na riles, akatsinelas man o andi, man-eelekan, mankakantsawan. Leleg ya manlulutoy pandeman iray kainaan tan mangiyuunat na sali-sali iray kaamaan, manlalakapan iran akaimis, akabantag ed sagur. Tumtumbokey mata ra so marmarlang ya sile-silew na manungol ya tren angga’d isabi to’d petek da ya mamagiwgiwgiw ed sikara ed liket—ed agnapokpokan a liket.
Impatalos ed Filipino: ipb road (sa filipino)