Pinablin Luisa,
Sano makasabi’d sika ‘yan sulat, ëgnaan mon maong. Singob mo’y angob ko ëd papel. Almom so indëngan ko ëd kada letra. Ta aya la so sampot mon naawat manlapud siak.
Agka la mangipapaabët na ëbat ta ag la makasabi. Akobkob la na saray makina so Lingayën. Nala da lan amin so dalan. Apalibëran kami la, tan mantikyab iray drone ëd kauloan mi kada samplon minuto. Nampikasi ak la’d Ama-Gaolay tan inawat ko la’y kapalaran ko—kaiba’y agko la pakanëngnëng ëd sika lamët, inar-aro.
Intër ko ‘yan sulat ëd si Damian a angisipa’d siak a mangalmo’y napanmatalëkan a totoon mangawit ëd sikania. Akaulëy la’y Aman mangipasabi ‘yad sika kaiba’y alimbusabos na panangarok tan pilalëk a nadiwit ka lamët—say baog ko ëd baog mo—lëlëg kon tatalarana’y kipëlag na saray salita’d bibil mo.
Pinabli, manpatanir ak la. Alagarën ta ka’d bënëg na banwa.
Kaibam a lanang,
Arturo