“Akalmo ak na andëkët a ulëg a manliklikët ëd pataktak.”
— Henry David Thoreau, Saray Kuaderno, Oktubre 10, 1851
- Dia’d nipalandëy a balëy na Don Salvador Benedicto ëd Negros, sinurob na sakëy a kobra so kasilyas na sakëy a villa tan inmimuas ëd inidoro ya angigtot ëd sakëy a turista. Masulok duamplon taon lay apalabas, agawa’d sayan balëy so sakëy ëd saray sankabalëgan a impamatang ëd saray kiëw ëd interon Pilipinas.
- Dia’d Santa Maria, balëg a bëngatla so pakalmo’y ulëg ëd suko-sukong na abung. Abalaan nën pangamaën ko, ayayam. Agkayo oonla’d tan so kuan da’d dili min abung sanën tinaynan mi’y lima’y taon. Natno’y ulëg!
- Nanggawan tampol si Moises na gansan ulëg tan inyan to itan ëd palitëk, tan sano nakëtkët na ulëg so sakëy a too tan onnëngnëng ëd gansan ulëg, sikatoy nabilay.
- Dia’d Gaza, akarukol ira’y ugugaw ëd saray toldan kamamanta looba’y uutot tan uulëg.
- Tinaynan ko’y balëy mi sanën siniminto ra ‘man a dalan. Dala’y Ulëg so kuan dan ngaran to. Ambalbalanga, managagos, malanlansi.