Pigaran aklo’y niluto tan tëgtëg na inlambong a karne. Say bulong na pontin anayakop ëd sikara. Say larak a panlana. Pigaran abël a pamakdal manlapo’d bëtël ëd pëglëy na ilog a kitaw. Sankapisag a balitok a idërëw ëd managbaloto kasabi’d biëk a baybay. Saray buëk nën Mauricio kayari piga’y taon ton nanalagar ëd lubok. Tan say maodiëm ton laman a kinmëkëtkët ëd pukëpukël to.
say un-uni anuyiao
say tambayo’d dagëm
saray kanti-kanti ‘ran bitëwën
Patalos: things in the boat in my last voyage