Ag nayarin natabunay sandalyas
so melag a kargaay sapatos
ed letsab.
Maparanay ak balet a
mangasaliw na sandalyas
lapud maparanay ak a onaakar
agew-agew nababawasay maimpis
a layer (?) so sandalyas.
Pilosopikal a tepet: sano
naputotan ak na salik, siak ni man?
Sano nabawasay sandalyas ko,
sikato ni man?
Binmigay so sandalyas ko kayari
impanakar koy trenta kilometro
manlapud LB anggad San Pablo.
Imbantak ko.
Binmigay so sandalyas ko
kayari impanakar ko’d Bangkok tan
Ayuthaya.
Wadtan ni’d letsab.
Agko ni imbantak.
Kawaen.
Laen darayan sandalyas
sano akasabi ak la’d
laen ko?
Usar. Bengatlan. Walay bilay
anggan anggapo.
Walay pipadparaan da met
ed katat ko, baog ko, limalimak,
gamegamet, lamalaman (?)
Bengabengatlan usar na kamarerwak.
Natan wadia. Nabuas anggapo la.
Dakel ni isaliw na balon sandalyas.
Dakel ni saliwen tan isulong.
Dakel ni ?
Dakel ni akaren.
Angga’d kieyes na salisalik.